Agus an tír ag titim as a chéile is an ECB is an IMF ag teacht chun fóirithinte orainn an tseachtain seo caite, bhí ceist thábhachtach idir chamáin sa Dáil, Straitéis 20 Bliain don Ghaeilge. Plean é seo a chuir comhchoiste Oireachtais le chéile le sprioc de 250,000 cainteoir Gaeilge laethúil a ghiniúint faoi cheann 20 bliain. Tá an sprioc seo thar a beith uaillmhianach go háirithe i bhfianaise nach bhfuil ach thart faoi 100,000 cainteoir ann faoi láthair.

Chomh maith, leis an sprioc ard sin is gá don phlean seo dul i ngleic leis an lomtátal a bhí ag an Staidéar Teangeolaíoch ar úsáid na Gaeilge sa Ghaeltacht a thugann le fios nach mbeidh an Ghaeilge mar theanga an phobail sa Ghaeltacht in imeacht glúine amháin eile. Tá mórán moltaí éagsúla sa straitéis, ó níos mó béime ar an teanga taobh amuigh den scoil, go foclóirí, is stádas na teanga sa Bhunreacht chomh maith le spreagadh agus tacaíocht a thabhairt dóibh siúd a chuireann fúthu sa Ghaeltacht is san iar-Ghaeltacht. Bhí Alan Shatter agus Enda Kenny den tuairim nár chóir caint ar an nGaeilge de bharr na díospóireachta geilleagraí agus cuireadh Shatter den Dáil.

Gaeilge amháin Roghnach(ach Béarla fós Éigeantach), FG is Páirtí an Lucht Oibre

(Éire níos cóire-  ach ní do lucht na Gaeilge)

D’fháiltigh Frank Feighan, urlabhraí Gaeltachta (nach bhfuil Gaeilge aige) Family of Gaels(Fine Gael) roimh an straitéis ach mhol sé go ndéanfaí athbhreithniú ar stádas éigeantach na Gaeilge tar éis an Teastais Shóisearaigh(TS). Bhí Fergus O’Dowd den tuairim gur chóir fáil réidh léi tar éis an TS. ‘Bíonn grá ag daltaí do na hábhair a theastaíonn uathu déanamh, ní na cinn a mbíonn orthu déanamh’

Mana rialta ag Fine Gael é seo agus dealraíonn sé gur Enda Kenny agus Brian Hayes ó Family of Gaels atá taobh thiar de don chuid is mó. Maíonn siad nach mbeadh drochéifeacht aige seo ar an nGaeilge agus an líon a dhéanann staidéar ar an nGaeilge ach tá an fhianaise idirnáisiúnta chomh maith leis an gciall chomónta glan ina gcoinne. Tá ráite ag Conradh na Gaeilge go bhfuil seasamh idé-eolaíoch frithGhaeilge acu agus is beag duine de Ghaeilgeoirí na tíre atá tar éis dúshlán an ráitis seo a thabhairt. Mhol Brian O’Shea(Páirtí an lucht Oibre) go ndéanfaí na briathra níos rialta, rud a léirigh a easpa tuisceana ar chúrsaí teangeolaíocha, sé sin nach briathra ach gnéithe casta eile den teanga a chuireann isteach ar a forbairt.

Na Meáin agus an Ghaeilge: RTÉ Raidió 1 agus TV3

Tá RTÉ Raidió 1 tar éis a admháil nach mbeidh aon chlár Gaeilge á chur le chéile acu as seo amach ach go ndéanfaidh siad athchraoladh ar chláir ó Raidió na Gaeltachta. Tá an cur chuige seo scannalach ón bpríomhchraoltóir náisiúnta agus rud é nach féidir a chosaint. Níl sé cóir ar phobal na hÉireann nach mbeidh cláir úra Gaeilge ar Raidió 1.

Tá TV3 le craobh uile-Éireann na mionúr a chur i láthair agus cé go mbíodh seo as Gaeilge cheana tá an chosúlacht ar an scéal anois nach amhlaidh a bheidh ar TV3. Tá ráite ag roinnt tráchtairí gur maith an rud é seo toisc go raibh polasaí RTÉ ag déanamh leithcheala ar Bhéarlóirí na hÉireann. Anois, áfach is ar na Gaeilgeoirí a bheidh an leithcheal dírithe, rud atá ceart dar leo sin, ní foláir.

Stephen Fry le bheith ar Ros na Rún

Táim cinnte go bhfuil bhur leordhóthain den bhuairt is den chaint éadóchasach faoin nGaeilge, faoi naimhde na teanga i nDáil Éireann, agus faoin ngeilleagar ach ná bí buartha fágfaidh mé sibh le deá-scéal! Tá an t-aisteoir béalscaoilte Briotanach le ról caimeo a ghlacadh sa sobalchlár Gaeilge Ros na Rún. Tosófar ar thaifead don chlár ar an Spidéal ag tús Mhí na Nollag. Mar chuid de shraith an BBC ar theangacha neamhfhorleathana Planet Word, glacfaidh an móraisteoir ról cainte sa sobalchlár clúiteach Gaeilge a bhfuil breis is 1000 clár craolta acu go dtí seo. Dar le Hugh Farley, léiritheoir na sraithe, beidh radharc ardspraoi leis ann ina mbeidh roinnt de mhórcharachtair Ros na Rún. Ní fheadar an mbeidh sé ag giolcaireacht leis ar Twitter i dTigh Thaidhg?

(Foilsíodh an t-alt seo ar an ‘College Tribune’ sa Choláiste Ollscoile, BÁC cheana.)

Maíonn taighde a rinneadh le deireanas gur alcól an druga is baolaí nuair a chuirtear san áireamh an dochar a dhéantar don té atá ag ól is do dhaoine eile.  Cuireadh i gcomparáid é le grúpa de 20 druga idir dhleathach is neamhdhleathach. Is measa an braon biotáille ná hearóin nó cnagchócaon féin. Foilsíodh tuairisc ar an taighde seo san iris mheasúil leighis an Lancet. Eolaithe de chuid Coiste Neamhspleách na Breataine Um Dhrugaí agus sainchomhairleoir de chuid an Lárionaid Monatóireachta Eorpach um Dhrugaí agus Andúil i nDrugaí a chur i dtoll a chéile é.

De réir an taighde, tá trí oiread níos mó dochair ag baint le halcól ná le cócaon nó tobac, is tá sé ocht n-oiread níos measa ná eacstais. I measc na gcritéar a úsáideadh bhí; éifeacht an druga ar choiriúlacht, ar chliseadh teaghlaigh is neamart ar ghasúir, an costas a bhí ar dhul i ngleic le hiarmhairtí an druga o thaobh an chórais sláinte, rátaí táirgeachta ísle is an éifeacht a bhí ag an druga ar an tsochaí trí chéile.

Airíodh; dochar don tsláinte, ciorróis is strócanna, bás de bharr an druga go díreach (le ródháileog), is go neamhdhíreach(timpistí bóthair, féinmharú, is SEIF) chomh maith le drochthionchar ar chaidrimh is ar shláinte mheabhrach ar na critéir ó thaobh dochar don úsáideoir. Bhí baint mhór ag an gcostas geilleagrach, leis, ar rangú alcóil, hearóine, tobac, is cannabais. Cuireadh san áireamh chomh maith an líon ábhalmhór daoine a ghlacann an druga seo go rialta .i. alcól.

Bhí lámh ag David Nutt, iarchomhairleoir de chuid an rialtais sa Bhreatain, agus síciatraí, a briseadh óna ról, toisc nár thaitin a chuid eolaíochta leo. Bhí sé den tuairim nár chóir go ndéarfaí go raibh cannabas níos baolaí ná an tobac is alcól toisc gur lú dochair a d’éirigh as a úsáid. 

Luaitear go minic an costas mór atá ag alcól ar gheilleagar na hÉireann, eadhon, gur €3.7 billiún atá i gceist, ach ní seo iomlán na fírinne. Cé mhéad a thuilltear de bharr alcóil? Dá mbeadh cosc air oíche amárach is ar éigean a tharlódh rud ar bith sa tír. Tuigeann an té nach eacnamaí é go bhfuil an t-alcól lárnach i ngeilleagar oíche na tíre seo.

Dar leis an Lancet b’fhiú díriú isteach go fíochmhar ar an dochar a chúisíonn alcól. Dúirt Rosemary Garth, stiúrthóir Chónaidhm Lucht Deochanna Alcóil na hÉireann leis an Irish Times go raibh sé ‘dainséarach táirge dleathach rialaithe ar nós alcóil a chur i gcomparáid le drugaí mídhleachtacha.’ Is léir go ndeachaigh tuiscint na hargóinte amú uirthi, sé sin dá gcoiscfí drugaí ar bhonn dochair ba luaithe a choiscfí alcól ná aon cheann eile dar le húdair an taighde seo. Argóint gan bhonn í a bhí le cloisteáil ar Raidió RTÉ arís, nuair a dúirt fear beáir an tseachtain seo ‘nach dtarlaíonn ragús óil sna tithe tábhairne’

Dúirt Garth, leis, go mbaineann an chuid is mó de dhaoine taitneamh as alcól i ‘mbealach freagrach’ An gcreideann sí féin sin? Déarfadh fear na céille nach gcreideann is gur bréag aici é, is fiú dá gcreidfeadh, déarfadh an fear céanna go bhfuil dul amú chomh millteanach uirthi nár choir dúinn aon áiteamh de chuid a Cónaidhme a chreidiúint feasta.

Is cosúil gur gá a rá mar sin go bhfuil fadhb uafásach sa Bhreatain. Ar an drochuair ní faill na hÉireann an ceann seo agus is amhlaidh againne í. Mar is eol dúinn áfach, ní dhéanfar aon iarracht cheart dul i gleic leis an bhfadhb thall nó abhus agus is measaide dúinn sin. Tá sibh ar aon eolas!

Cnagchócaon – an cineál cócaoin a chaitear.

Eacstais – an druga ‘E’

ciorróis – galar san ae

stróc – fabht a bhaineann den inchinn is den cholainn

ródháileog – an iomarca de dhruga a ghlacadh

(Foilsíodh an t-alt seo ar an ‘College Tribune’ sa Choláiste Ollscoile, BÁC cheana.) 

Le deireanas, tá tar éis bheith ina raic maidir le suíomh an ospidéil úir do leanaí, ospidéal a chosnóidh €650 milliun agus a bhfuil súil ag an rialtas é a chomhlonnú ar shuíomh ospidéal an Mhater aineoin an chlampair atá tógtha ag dreamanna éagsúla faoi. Tá an t-Uasal Philip Lynch i ndiaidh éirí as an gceannaireacht ar Bhord Forbartha an Ospidéil Phéidiatraicigh Náisiúnta (BFOPN) de bharr go raibh bundeacrachtaí ann an post a bhí faoina chúram aige a chur i gcrích, dar leis. Deir an t-Aire Sláinte Mary Harney, áfach, gur iarr sí air éirí as mar nach raibh suíomh an ospidéil i dtéarmaí tagartha an bhoird agus dá bharr seo nach raibh sé in ann an ról a chur i gcrích mar ba cheart. Is liosta mór fada gearán atá aige, áfach, agus luann sé cuid mhaith fadhbanna eile leis an togra taobh amuigh de cheist an tsuímh; an bhearna mhór atá ann ó thaobh maoinithe (tá breis is €100 milliun le bailiú ó fhoinsí carthanachta agus daonchairdiúla) an easpa nó míshoiléire pleanála ó thaobh stiúradh an ospidéil anuas ar fhadbanna ó thaobh deartha do shuíomh ospidéal an Mhater, fáil ar an otharlann in amanna barrthráchta, is ceisteanna faoi pháirceáil ar an suíomh. Cé gur éirigh Lynch as tá súil an t-ospidéal a bheith ar oscailt roimh dheireadh na bliana 2015.

An fáth ba mhó gur beartaíodh an suíomh seo a roghnú ná toisc gur anseo is luaithe gur féidir otharlann a thogáil ann. Ba ar mholtaí an chomhlachta McKinsey & Company (sainchomhairleoirí bainistíochta) a bhunaigh tascfhórsa de chuid Feidhmeannacht na Seirbhíse Sláinte an rogha. Luadh an luas lena bhféadfaí an otharlann a chur ar fáil sa suíomh seo mar an príomhfáth idirdhealaitheach gur roghnaíodh anMater i leaba na n-ospidéal eile. Tá an t-Aire Harney tar éis a rá go sabhálfaidh seo thart faoi €25 milliún in aghaidh na bliana ar an trí otharlann a thiocfaidh le chéile ann ar deireadh; Ospidéal Shráid Temple, Ospidéal Mhuire i gCromghlinn agus Ospidéal Náisiúnta na Leanaí i dTamhlacht.

Aontaíonn Comhaontas d’Ospidéal Nua na Leanaí le gach rud atá ráite ag Lynch. Tá de ghearán acu chomh maith nár iarradh ar phaistí sular roghnaíodh suíomh. Is ait liom seo. Tuigimse go bhfuil gá le próiseas eolais agus dul i gcomhairle ach ní dóigh liom gur féidir a rá go mbeadh tuairimí na bpáistí ina chabhair mhór ag an dream atá ag réiteach pleananna don otharlann. Tá an Comhaontas ag tabhairt le fios go bhféadfadh gach éinne a bheith ina shaineolaí ar cheist seo na hotharlainne ach ar ndóigh ní fíor sin. Is beag duine dáirire a thuigeann i gceart mar a roghnaíodh an suíomh.

Is cosúil go bhfuil fadhb bhunúsach ann ó thaobh lonnú an ospidéil, agus ní cheansófar an fhabhb seo nó an slua atá ag stocaireacht go mbógfáí é ag dul ar aghaidh dall an rialtais. Más rud é go bhfuil sé ródhéanach dul siar ar roghnú an tsuímh nó bhfuil an cinneadh glactha is réitithe ar bonn feidhmiúcháin caithfear a mhíniú go follasach is go hintuigthe don phobal na fáthanna atá leis seo. Ní shásóidh freagraí folmha nó béal ban an aire a deir go bhfuil an cinneadh glactha. Tá amhras mór léirithe ag grúpaí éagsúla, tuistí pháistí atá tinn, dochtúirí péidiatraiceacha is ollúna chomh maith le gnáthshaoránaigh a cheapann go bhfuil buncheisteanna ann fós nár freagraíodh. Caithfear éisteacht leo ar mhaithe leis an daonlathas. Seans maith go deirfear go bhfuil an otharlann de dhíth láithreach bonn baill agus nach féidir dul siar ar chinneadh an tascfhórsa. Pé scéal é, caithfear éisteacht.

(Foilsíodh an t-alt seo ar an ‘College Tribune’ sa Choláiste Ollscoile, BÁC cheana.)

Is minic le tamall de bhlianta anuas don dá thaobh sa chaidreamh idir an leigheas eolaíochtúil is an tsochaí chomhaimseartha a bheith in adharca a chéile. An t-aineolas, an dalbacht is an bhaois ar an dá thaobh a chúisigh seo. Féachann an colún seo leis an gcaidreamh sin a fheabhsú trí spléachadh a thabhairt ar roinnt de na míthuiscintí a chúisigh seo.

Ann nó as do na hAntaibheathaigh?

Tá scéalta uafáis ar na meáin le tamall anuas go bhfuil bagairt ann nach mbeidh aon éifeacht ag na hantaibheathaigh amach anseo. Tá roinnt ag tuar go mbeidh an chuid is mó acu as feidhm in imeacht roinnt glún eile. Is beag cineál antaibheathach a rinneadh fionnachtain air le tamall de bhlianta anois i ngeall ar an gcostas a bhaineann leis is cuireann seo leis an bhfadhb.

Leis an gcríoch seo a sheachaint ba chóir leas níos fearr a bhaint as tástálacha diagnóisíocha le pataiginí agus an cineál frithsheasmhachta atá acu a chinntiú roimh chógais a ordú. Bíonn forbairt vacsaíní leis, ina chabhair, mar gur féidir leis cinntiú nach mbeidh galar ar leith ag duine agus nach mbeidh gá dul i muinín na n-antaibheathach. An tslí is fusa ar fad, áfach, dul i ngleic leis, ná láimhseáil cheart a dhéanamh ar na drugaí atá againn faoi láthair.

De bharr nach bhfuil seo á dhéanamh tá ar na heolaithe iarracht a dhéanamh drugaí úra cliste a chumadh le dul i ngleic leis na baictéir. Toisc go ndéanann baictéir éabhlóid an-mhear ar fad is deacair fanacht i bhfad chun tosaigh orthu ó thaobh antaibheathach, ach go háirithe agus cineálacha éagsúla tagtha chun cinn a bhfuil frithsheasmhacht acu i gcoinne na n-antaibheathach is cumhachtaí ar fad. Fós féin tig díriú isteach ar úrchruthú antaibheathach, nó fiú víris a thabhairt do na baictéir (tá siad so-ghabhálach i leith víreas). 

Tá taighdeoirí in Ollscoil Luimnigh ag tabhairt aghaidhe ar an gcaoi gur féidir le baictéar amháin a bhfuil frithsheasmhacht aige i gcoinne druga, atáirgeadh agus sliocht de na milliúin a chruthú in aon lá amháin. Tá ráite acu go bhfuil antaibheathach s’acu in ann baictéir atá ar tí a n-atáirgthe a aithint is a mharú. Chomh maith bítear ag caint ar bhaictéarafagaigh, a itheann baictéir, mar leigheas ar an ngéarchéim, ach is iomaí fadhb lena gcomhoiriúnú.

An rud is tábhachtaí gur féidir leis an bpobal a dhéanamh ná treoracha an lia-chleachtóra a leanúint; réimse cógais a chomhlíonadh san iomlán, agus gan iad a ghlacadh ach amháin sa chás a bhfuil gá leo.

 (Foilsíodh an t-alt seo ar an ‘College Tribune’ sa Choláiste Ollscoile, BÁC cheana.) 

Fáilte. Sin é agaibh é. Beidh an focal sin cloiste ag na freisir inár measc faoi seo. Fáilte ar ais cloiste ag an gcuid eile againn. Mar sin tosaíonn bliain eile in UCD (nó COBÁC leis an teideal cruinn-cheart-cineál curtha faoi chois a thabhairt!). Beidh an-chuid den seandream againne ag gearán is ag spochadh as an mbaicle úr agaibh anseo. ‘Éiríonn siad níos óige gach aon bhliain’ Ní féidir linn dul go dtí Club X a thuilleadh mar tá mo dheirfiúr óg ag dul ann anois’ Caithimis uainn é mar spórt!

Anois a mhic léinn nua, seo daoibh faoiseamh trí éigin bliana in aghaidh an chúlaithe mhóir, trí bliana lán den raic, den chraic, den ragairne, den rírá is den ruaille buaille (táim rite as focail a thosaíonn le r) Trí bliana ag foghlaim conas tionscnamh grúpa a dhéanamh(leat féin), conas scrúdú cheisteanna ilroghnacha a líonadh amach i gceart(A don ádh?), conas triúr cailíní/buachaillí/beithíoch(scrios mar is mian leat) ón gcúrsa céanna a phógadh in aon oíche.

Cloisfidh sibh faoin loch rúnda, faoin dara loch rúnda, aimseoidh cuid agaibh iad seo ach an dream eile suífidh sibh istigh ag tabhairt aire na huibhe do bhur dtinneas bpóite. Cloisfidh sibh faoin leabharlann rúnda trédhearcach, is na tolláin rúnda, faoin ailtireacht fhrithchiréibe, faoin gcara le deartháir a bhí sa Bheár an oíche ar thug cailín ceann do lead le ticéad do Bhál na bhFreisear a bhuachan. Íosfaidh sibh sa Bhialann, i gCaife na nEalaíona, i 911, in O’Briens, sa Chaife Spóirt agus beidh bhúr dtuairimí féin agaibh;  lofa, álainn, ming, cgl, cac agus ar deireadh tiocfar ar an tuairim gur bia uafásach costasach is neamh-shláintiúil é. Mí ina dhiaidh sin tabharfaidh tú faoi ndeara gurb fhearr é ná Weetabix agus pónairí. 

Is le bagairt na scrúduithe cuirfidh sibh aithne ar na leabharlanna ‘Ó bhabh ní raibh a fhios agam go raibh Leabharlann James Joyce, laidhc, anseo?!’ ‘Cá bhfuil an Blackboard mór seo a mbíonn gach éinne ag caint air? Beidh sé ina chogadh dearg eadraibh ag moladh feabhas an chinn atá roghnaithe agaibh. Tuigfidh sibh an fáth go ‘gcaithfidh mé, laidhc, teacht isteach choooooomh luath le plocóid a fháil.’ Tuigfidh sibh GPA agus beidh deacracht agaibh i gcónaí oibriú amach an go maith nó an go dona atá tú ag cruthú.  2? Dealraíonn sin go maith, cá bhfios? Cuirfidh cuid agaibh aithne ar Aontas na Mac Léinn, cuid eile rachaidh sibh chun cónaithe ann.

Bígí páirteach i gcumainn, sa rang, sa spórt, is tosaigh cairdeas le gach mac máthair againn anseo, go fiú is an fear gan dídean a fheicfidh sibh gan mhoill. Don Ghael in bhur measc, ná bíodh aon eagla oraibh mar seo chugaibh An Cumann Gaelach. Dóibh siúd a bhaineann taitneamh as rudaí a dhéanamh; an L & H, An Cumann Drámaíochta is Dramsoc, anuas ar Chumainn Cheoil is Litríochta, murab ionann agus áiteanna eile, tá rogha den dá theanga oifigiúil anseo sa CHOBÁC níos minice ná ár gcairde lárchathrach. 

Ar chuala tú trácht ar Aodh Ó Brádaigh? An príomhcharachtar sa chluiche is fear fós ó Where’s Wally? Club XXI? Merville, Belgrove, nó Gleann na Mine? UCD Ball? Tá mórán i ndán daoibh. Mar sin, seo chugaibh an chuid is fear de bhur saolta go dtí seo (agus as seo amach is cosúil) beirigí greim ar an lá, bainigí súp, spórt, spraoi is taitneamh as gach lá daoibh bheith anseo. Ní fada an t-achar trí bliana, is tá na cailíní/buachaillí/beithígh ag fanacht oraibh!  

Na scannáin ba mhó a thuill pingíní an phobail i mbliana ná ag uimhir ag 10- Angels & Demons, cinéal Davinci Cód a dó- a bhí measartha, ag uimhir 9 bhí Night at the Museum 2 droch dara scannán ar dhrochbhunscannán ach bhí spraoi gan brí i gceist cinnte. Monsters vs. Aliens scannán beochana a thaitin thar cionn leis na paistí ag uimhir 8, ag uimhir a 7 bhí Startrek ar éirigh leo cúl a thabhairt do na saoithíní seomra faoi stiúr an stiúrthóra chlúitigh J.J. Abrahms - ag uimhir 6 bhí an scannán scothach grinn The Hangover inar dhúisíomar ar fad tar éis oíche mhór a bheith caite aréir agus póit aisteach orainn ar fad, bhí an ceann seo iontach maith ar fad. Ag uimhir a 5 bhí bhí Transformers: Revenge of the Fallen, agus bhí fáth amháin le seo- Megan Nic an tSionnaigh- Megan Fox na dathúlachta- ba chuma nach raibh an scannán féin thar mholadh beirte ! Ag uimhir a 5 bhí an scannán gleoite beochana Up, a bhí go hálainn ar fad ar fad, scéal beag gleoite le dearadh dochreidte deas, áááaá!!!! Ag uimhir a 3 bhí scéal cráite le críoch éachtach- scéal an bhuachalla óig a bhuaigh luach an tsaoil ar chlár-chluiche agus ansin cuirtear ina leith gur caimiléir é, ríomhann an scannán an scéal ó thús a shaoil i slumaí bochta brocacha na hInde go barra buach an mhilliúnaí ag deireadh. Ag a dó bhí Ice Age 3: Dawn of the Dinosaurs –sraith de scannáin ghleoite le dearadh símplí álainn tarraingteach a thaitníonn le chuile dhuine idir óg is aosta. Agus ag an mbarr ar fad bhí ? Harry Potter and the Half-Blood Prince! Scannán eile nach raibh dáiríre thar insint scéil, ach ceann, fós féin go raibh ort é a fheiscint!

Bhuel is féidir linn a bheith ag súil le Transformers 4,5,6,7 agus Harry Potter 67 go luath san athbhliain- táimid ar fad ag súil leo sin!!!

‘cuimhin liom an uair’

Heathers

Is cuimhin liom an uair, nuair a shuíomar taobh amuigh
ag díleá ‘nouritture’ nár oirr dár súile féin
sheasmar an fód, agus thóg linn é mar chiseál dár sliogáin,
fós gairíonn tú fúm, conas?
gcuimhin leat an uair, cheapamar aithne bheith a chéile, feadh fad ár saoil
siad sin an cineál, nach féidir, leatsa a chailliúint, agus nuair a thitis isteach i bpoll
bfhearr m’aithne-se ná t’aithne féin

Is mór dom dul, is mór dom dul as seo is chuile rud
caithfidh mé rith le himeacht as seo ar fad
Is mór dom dul, is mór dom dul as seo is chuile rud
feadh taimillín, feadh tamaillín

dhreapamar le só gan stró ag dreim thar dreim’re is taobh ar bith {eile} ann/

‘s cuimhin liom an uair, nuair a shuíomar taobh amuigh
ag díleá ‘nouritture’ nár oirr dár suile féin
sheasmar an fód, agus thóg linn é mar chiseál dár sliogáin,
fós gáiríonn tú fúm, Conas?
só achainí ort aon uair amháin eile
díreach le mo thaobh den scéal a mheas
Ní thitfidh an ród seo fút ach tú a choinneáil slán
ach beidh ina smidirínní fúm, ded’ uireasa

‘Remember When’

I remember when, when we sat outside,

Digesting "nourriture" that didn’t suit their eyes.

We stood our ground, and took it as a layer to our shells,

And still you laugh at me. Why?

Remember when we thought we’d known each other, all our lives?

Those are the types that you can never really lose, and when you fell into a trap,

I knew you more than you knew you.

I need to go, I need to get away from everything

I’ll have to run to get away from here

I need to go, I need to get away from everything

Just for a while, I need to get away from here.

And so we slowly slowly climbed over a ladder with no other side

And so I’ll plead with you one last time,

Just to consider my point of view,

The path on which you walk will never fail to keep you safe,

But it will crumble underneath me, minus you.

sa Téalainn
Bhí sé ina raic i mBangkok inné nuair a thosaigh trúpaí ag scaipeadh na léirsitheoirí ata ann le 9 seachtainí
Bhí an foiréigean tar éis scaipeadh ar fud na cathrach agus cuireadh ionaid siopadóireachta trí thine agus caitheadh diúracáin agus buamaí le forsaí an rialtais. Cuireadh dóiteáin i 27 bhfoirgneamh agus 16 banc. Cuireadh cuirfiú i bhfeidhm agus agus leathnnaíodh e go 24 cúige timpleall na tíre ó thuaidh ach go háirithe. Maraíodh 15 agus gortaíodh 98. Inniu deir an rialtas go bhfuil deireadh curtha acu leis an imreas don chuid is mó.

An Euro
Thit an euro agus stocanna inniu agus an domhan buartha faoin éifeacht a bheidh ag géarchéim fiachais na hEorpa ar dhul chun cinn eacnamaíoch ar domhan. Ghéaraigh an cosc a chur na Gearmáinigh ar meardhíol ar roinnt bannaí agus stocanna. Thit luch an euro siar go $1.233 titim 0.76. Thit sé go $1.2212 ag pointe amháin sular fhill sé ar $1.2247 roiimh dhúnadh do na margaí.

Caoin duit féin a dhuine, is lú atá ionat féin ná mar atá i do chroí

Caoin duit féin a fhir bhig na leon, níl tú a chróga is a bhí i dtosach slí

Meas tú féin is réab tú féin

Glac an misneach atá fágtha agat

Curtha amú ag réiteach fadhbanna a bhí cruthaithe agat i do chloigeann féin

Is lú atá ionat féin ná  i do chroí

Níorbh ortsa an locht ach orm

Agus ba do chroise féin faoi bhrú

Rinn’ mé(focan) praiseach as an uair seo

A ghrá nach fíor

A ghrá nach… fíor

Croith duit fhéin, a dhuine, tuig go bhfaca tá seo ar fad cheana féin

Croith duit féin a fhir bhig na leon ní réiteoidh tú na fhadbanna sin agat féin

Do ghréas as áit ar t’éadan

 Do dhalbacht seasa’ leis féin i measc an réabtha
éist le le do mháthair nó caith do shaol ag cogaint ar do mhuineál féin

Ór

agus is grá liom í

ní mhalartóinn ar ó-r í

táim a’ siúl ar ghaetha gealaí

rugadh mé le geal-spúingín

is mé féin a bheidh ann, is beidh mé saor ann

táim a’ siúl ar gaetha gealaí

is féachaint ‘mach thar farraigí

is má dhúntar doras

tógtar bóthar abhaile dúinn

agus tóg na cuirtíní síos

do sholas atá mar ór

agus caithfidh gur tú, tú

is déan mar dhéanann tú

‘tú siúl ar ghaetha gealaí

is féachaint ‘mach thar farraigí

dá mba chré do chneas

An fada, meas tú, dóibh roimh thosú ag tochailt

agus dá mba ór do shaol

an fada, meas tú, go mbeadh tú ag streachailt

Hé

agus is grá liom í

ní mhalartóinn ar ó-r í

Samsón 

Is tú mo thurnamh is milse
Thúgas grá duit ar dtús, thugas grá duit ar dtús
Faoi bhráilliní páipéir atá fírinne s’agam
Is gá dom fágáil, is gá dom fágáil
Bhí do ghruaig fada, nuair a chéadchas mé leat

Smason chuaigh sé ar ais a luí
Gan mórán gruaige ar a cheannaín
D’ith se slisín d’arán na ndraoi is chuaigh sé ar ais a luí
Is dhearmad na leabhair staire muid, is níor luaigh ‘n bíobla muid ach oiread
is níor luaigh an bíobla muid ach oiread, gan tagairt fiú.

Is tú mo thurnamh is milse
Thúgas gra duit ar dtús, thugas grá duit ar dtús
Is faoi na réaltaí tá ‘titim ar ár gcinn
gan iontu ach seansholas, gan iontu ach seansholas,
Bhí do ghruaig fada, nuair a chéadchas mé leat

Samson a tháinig chun mo leabaí
Is dúirt sé liom go raibh mo ghruaig ruaidh
Dúirt se liom go raibheas álainn, is tháinig chun mo leabhaidh
Ó ghearras féin a fholt oíche
Péire seansiosúr ins an solas buí
is dúirt sé liom go raibh éirithe liom
is phóg se mé go maidin, go maidin
is phóg sé me go maidin 

Smason a chuaigh ar ais a luí
Gan mórán gruaige ar a cheannaín
D’ith sé slisín d’arán na ndraoi is chuaigh sé ar ais a luí

Ó ní fhéadfaimis na colúin a leagan

Sea, níor éiri’ le scrios ar aon cheann acu.

Is dhearmad na leabhair staire muid,

is níor luaigh ‘n bíobla muid ach oiread
gan tagairt fiú.

Is cosúil go bhfuair an t-údar Éireannach Bree O’Mara (42), a bhí le bualadh le foilsitheoirí faoina húrscéal is déanaí Nigel Watson, Superhero, bás. Bhí sí i measc an 93 paisinéirí agus criú de 11 ar an eitilt Airbus A330 Afriqiyah Airlines 8U771,a bhí ag eitilt as Johannesburg agus ar tharla tionóisc dó ag aerfort Tripoli. An t-éinne amháin a tháinig slán as ná buachaill 9 mbliana d’aois agus bhí seisean ag teacht chuige féin in ospidéil i dTripoli inniu.